الله يسامحك....معقول يا أمي تجـرحيني ؟
بعد ما بــعتي عـمرك عشاني....بتبيـعيني
ده إنـت طول عـمرك يـا غالية بـتـراعيني
فـي صغـر سـنـي وبـعد مـا جريت سنيـنـي
ده إنـتي حـالفة في عز زعلك..ماتزعليني
ولا عـشــان مـا وفـيتش حقك..بتجازيني ؟
ده جـزائـي ؟ إنــك يا أمــي تـدمــريــنـي ؟
طـب قولـي حـاجـة قــبـلـها....حـذريــنــي
ولا حــتـي يـا أمـــي كــنـتـي هــدديــنـــي
مـش مـرة واحـدة تـقسي عـليّ وتدبـحيني
ليـه يا أمـي ؟! ليـه تـموتي....وتسيبيني ؟
20 comments:
انا طبعا مش عارفةمدي صدق البوست
الا انه وصل ليا اووي ولمسني اوي
الله يرحم كل ام
ماهي قسوة اد ماهي رحمه
صددقني رحمة انها بتدعيلك وهتكون شفيعه ليك ببرك ليها
طول حياتها
بجد بوست حلو اووووووووووي
وكلام
وجعني اووووووي
بوست حلو اوى والم يبدو حقيقيا
واحساس يبدو صادقا
اتمنى لك السعادة
تحياتى
ممكن نكتب روايات عن موت الأمهات على غرار انتحار الفراشات
غريبة جدا الأمهات مهما تشوف منها من آهات وتحلف ما تشتاق ليها تضحك عليك وجواك دايما تلاقيها
وعشان كده احنا مستسلمين للأمهات الأحياء منهن والأموات
نفسي بجد أعرف حكاية الأمهات لا اللي بيحبها بينساها ولا اللي بيكرها بيسلاها
تحية لكل أم ورجاء أنهم يرحموا العيال
السلام عليكم
ربنا يصبرك على فراقها..احتسبها عند ربنا ...كلامك يوجع اوىىى
تقبل مرورى
تحياتى
البقاء لله
انا مش عارفه البوست ده بجد ولا مجرد اشعار
فى كلا الحالتين فانه مأثر للغايه
بجد يلمس قلب اى حد وحتى ان ماكنش عنده قلب
بجد صبر اى حد فى محنه زى دى
وحقيقى شكرا على الكلمات الرائعه دى العتاب الصادق الاليم الى احن شخص عزيز علينا
http://yamarakby.blogspot.com/2006/12/blog-post_08.html#links
بجد جميل جدا صادق انا بجد حسيته بمعاني كتيرة لو حقيقي فالبقاء لله اما ان كانت مجرد كلمات فهي ممكن تون وطن لاني حاسس بكده انها تمشي مع مصر كبلد
وتقبل مني ارقى التحيات
لا يضاهي فقد الأم غير فقد رسول الله فبعده تهون كل المصائب
رحم الله امهاتنا وابائنا كما ربونا صغارا
جميل قوي الكلام
ربنا يكرمك بس انت ليه بتغيب قوي كده بين البوست واللي بعده
مع ان البوستات هايله
سلااااااااااااااام
بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر
كلام كبير و مؤثر جدا
الله يرحمها فعلا ما يحش الاحساس الا اللي مكوي بناره انا والدي متوفي قريب وحاسس باحساسك ربنا يرحمهم جميعا
الله يرحمها
بوست رائع ربنا يرحمها
فعلا قسوة
بس مش من الام من الزمن اللى بيعرفنا قيمتها ببعدها الاجبارى عنا
ربى ارحم جميع الامهات و الطف بأبنائهم
تسلم ايديك
كلمات ظالعة من قلب موجوع
بجد اول مرة اجى عندك
مدونة اكثر من رائعة
ربنا يصبرك
تحياتى
أحمد الصباغ
يااللهرحم الله امهات المسلمين يارب العالمين
بجد وجعتنى وخوفتنى اوى
ربنا يخلى امى ليا
مش عارفه أقولك إيه بجد
حاجه فوق الوصف ممكن أقول ان الجراح مش بس من حد أناني ممكن كمان تكون لمجرد اني بعاني
أبقي مجروح
كلامك بجد أبكاني
ربنا يغفرلها و برحمها
ربنا يرحم
جميع أمهاتنا
و يغفر لهم
-----------
الصراحة ادام الكلمات
و الإحساس دا
مش عارفه اقول ايه
اعذرني
Post a Comment